Nunatsinni inuit eqeersimaartut sulilluartullu pinngitsoorsinnaangilagut!

Facebookimiit

“* Inuussutissarsiutit pioreersut annertusarneqarlutik ineriartorteqqittuarnissaat pingaaruteqarluinnartussaavoq, oqinnerusumillu atugaqarnissarput anguniarlugu inuussutissarsiutinut tapersiisarfimmik kujataani atuisunut allaffeqalernissaa pisariaqarpoq, aalisartut, piniartut savaatillillu tikillugit sullissisinnaaqullugit.

* Inuussutissarsiutit oqinnerusumik pilersinneqarsinnaalernissaat aqqutissiuutariaqarpoq, minnerunngitsumik nunatta imminut pilersornerunissaa aatsaat taamak pingaaruteqartigilissaaq, nuna namminersortoq imminut annertuumik pilersorsinnaasariaqarmat.

* Inuussutissarsiutit pilersinneqartartussat pillugit aammalu suliffeqarfiit pioreersut pilersaarusiorluarsinnaaqullugit aningaasanut inatsimmik ataavartumik pisariaqartitsivugut.

* Nunatsinni erngup nukinga anorisaatillu atorlugit nukissiornerit kiassarnerillu annertusaavigisariaqarput.

* Nunaqarfiit tunisassiaqaratik ingerlanneqarsinnaangillat, qulakkeeqajuartariaqarparpullu tunitsiveqartuarnissaat.

*Nunaqarfinni atuartitseriaaseq nunap sinneranut naleqqussartariaqarparput ungasissumut atuartitseriaatsit atuutilernerisigut.

* Nunaqarfiit illoqarfiillu akornanni aqquserngit pilersinneqarsinnaasut sanaartorneqartariaqarput. Savaateqarfiit akornanni aqquserniornerit sukkanerusumik ingerlasariaqarput savaateqarfinni annertusaavissat tikinneqajaartariaqarmata.

* Atuartitaanerup pitsaasuunissaa pingaaruteqarluinnarpoq meerartatta inuussuttortattalu atuarnerat pitsaasoq qulakkeersimajuartariaqarmat. Efterskoleqarneq nunatsinni inuusuttunik soqutigineqarluartoq annertusillugu avannaani, kujataani tunumilu ingerlatiinartariaqarpoq.

* Angallannermi neqorooruteqartarneq nuna tamakkerlugu assigiittariaqarpoq, nunap ilaanaanut atuutsinnagu.

* Inissaaleqineq aaqqiivigisariaqarpoq inuit tamarmik inissaqarnissaat pisariaqarluinnarmat, nunaqarfimmiikkaani illoqarfimmiikkaaniluunniit.

* Peqqinnissaqarfik pitsaasoq angummassinnaasorlu piujuartariaqarpoq, toqqissisimanitsinnut pingaaruteqarluinnarmat.

* Utoqqaat pitsaasumik atugaqartuarnissaat pingaaqaaq, utoqqartagummi annertuumik qutsavissaqarfigaagut, suliunnaaraluarlutik eqqissillutik perorsaaqqataanissaat atorfissaqarteqaarput.

* Oqaluttuarisaanermi maannakkut qinersinissarput pingaaruteqarluinnartutut isigaara, ukiuni 30-ni namminersornerulluta ingerlareerluta, namminersornermut ikaarsaarialerpugut.
Siumup ukiuni 30-ni siuttuunera annertuumik siuariarfiuvoq, innuttaasut pilluaritsi nersorpassi qutsavigalusilu annertuumik angusaqarsimanersi pillugu.

Siumumi qineqqusaarpugut namminersornermi siuttooqinnissatsinnut piareersimalluta.

Siumumi qinigassanngortittut ilagaannga ateqarlunga NIELS LUND, Aqqa-millu taaguuteqarlunga. Savaatilittut ilinniarnikuuvunga, savaatilittullu inuussutissarsiuteqarlunga Qanisartuuni. Savaatillit Peqatigiit Suleqatigiissuni siulittaasuuvunga.

Qinersilluarisi

NIELS LUND”

Inatsisartunut qinigassat

Partiit qinersinissamut atatillugu saqqummiukkumasatik qinigassanngortitatillu saqqummiutillattaalerpaat.

Siumut – Anguniakkat, Qinigassat, Qinigassat assitalerlugit

Inuit Ataqatigiit – Anguniakkat, Qinigassat

Naggueqatitsinnik suleqateqarneq oqaasiinnaajuassava?

Una aamma siusinnerusukkut ilanngussaraara:

“Maannakkut TV-kkut aallakaatitanik digitaliseriilerneq issittumi suleqatigiinnermik nukittorsaasinnaavoq – piumagaanni!
imaluunniit
Suna isiginnaarusunneruviuk – Jørn Hjorting naggueqatitsinnilluunniit nutaarsiassat?

Nunarput avatitsinnut ammariartortuarporooq – taamaannerpormi?Angallannikkut timmisartukkut kimmut aalajangersimasumik attaveqarnerput kipitinneqarsimavoq, massakkullu aamma siunissami tv-kkut digitaliseriineq aallakaatitanillu amerlanerusunik massakkornit ajornannginnerusumik isiginnaarsinnaanissarput eqqartorneqartillugu sammivik kujammut/kangimuinnaq “kultureqatiginngisatsinnut” sammivoq.

“Siunnerfeqanngitsumik aliikkusersorneqassaagut naammagittaalliunnginniassagatta, soorlulusooq siunnerfik taamaattoq!

Qanittukkut Nuup Kommunia millionerpassuarnik Nuuk TV-mut aningaasaliissuteqarpoq digitalimik TV-kkut aallakaatitsisarlernissamut atatillugu massakkut isiginnaarneqarsinnaareersut saniatigut kanalit sisamat dekoderimik pisinerup saniatigut akeqanngitsumik isiginnaarneqarsinnaalernissaat qularnaarlugu. Tamanna immini ajunngilluinnarpoq – siunnerfeqanngikkaanni!

Inuit tamatta isumaqatigiissutigisinnaagunarparput kangimut sutigut tamatigut attaveqarnerput annertusartuartariaqaratsigu, sorpassuartigut assigiinnik soqutigisaqaratta atugaqarlutalu siunissami nukittoqutigisassatsinnik.

ICC
Tamatumani siuttuusussaagaluaq Inuit Issittormiut Kattuffiat tassaaginnalersimavoq Inuit 25-iliinermut atatillugu qaatigoorsuartaarnikut Kattuffiat inummiit inummut attaveqarneq, suleqatigiinnerup qiterisaa, tunulliullugu illoqarfissuarni ataatsimeersuarnernut peqataanissaminnik pingaartitsinerulernikut.

Kattuffik taanna aamma suleqatigiissitaqaraluarpoq assigiinngitsunik, taakku ilagalugu attaveqaqatigiinnermut suleqatigiissitaq, ilaatigut paasissutissanik siammarterinermi attaveqaqatigiinnermilu nunatsinni inunnit nuimasunit ilaasortaaffigineqartoq. Angalanikuuppunngooq – inernerili naak?

Suut isiginnaarusunneruvagut?
Jørn Hjorting, aningaasanik niuerfinni pappiarat nalillit nalingi, uumasut nungutaaqqajaanngiivissut nungulernerarlugit aallakaatitat aamma Bob Hope uummallulluni uninnganerani kikkut naasunik pajussimanerik nutaarsiassat - taakkuuppat isiginnaarusunnerusagut assersuutigiinnarlugu makkununnga sanilliullugit:

Qaujisaut – kulturit marluk akornanni inuit inuusuttaat pillugit sap. ak. tamaasa aallakaatittagaq; Labradorimiut – Labradorimi nunaqaqqaartunut tunngasut pillugit aallakaatittagaq; CBC Northbeat – nunaqaqqaartut oqaasii atorlugit Canadap avannaarsuanit nutaarsiassat; Akusaaneq pillugu tv-kkut toqqaannartumik oqallinneq isiginnaartut sianerlutik peqataaffigisinnaasaat sapaammi 17. marts aallaakaatinneqartussaq – tamaasa ajornanngitsumik
isiginnaarsinnaalersinnaasarigaluagut naalakkersuisunikkut tamatumunnga piumassuseqartoqartuuppat.

Aallakaatitassat sukujussuit isiginnaarnissaannut akissaqarsorigutta aallakaatitanik uagutsinnut inunnut soquginartunik isiginnaarsinnaanissatsinnut aamma akissaqartariaqarpugut!
Aallakaatittakkat siuliani taasama isiginnaarsinnaalernissaannut aningaasartuutissaagaluit Jørn Hjortingip isiginnaarneqarsinnaalernissaanut
Nuup kommuniata Nuuk TV-mut aningaasaliissutaanit ikinneralaarsuupput!

Suleqatigiinneq annertusarneqarli!
Ilumut inuit akornanni suleqatigiinneq oqaasiinnaajuassava? Aatsaat uummarissarneqarsinnaavoq naggueqatigiit inuit akunnitsinni paasissutissanik siammarterisarneq siunnerfilimmik annertusarutsigu, tamatumanilu ICC, KNR, Tele, TV-utileqatigiit, kommunit, inatsisartut naalakkersuisullu pisussaaffeqartariaqarput tamatuma suliniutiginissaanut, asuli ullut tamakkiallugit timmisartorsuit ulikkaartaarlugit nunatta Europallu avannaani nunavaqqap akornanni angalatitsisarnernut pissarsiviungaarneq ajortunut nukitik piffissartillu atorunnaarlugit!

Neriuppunga oqallissaarut manna tunngavigalugu isummersortoqalaarumaartoq!

Uuli
Nuummi
marsip ulluisa 14-ianni (2002)

Ingerlaqqiffissat:
Aboriginal Peoples Television Network
CBC North“

Nunatta akilittalu akornanni timmisartuussisarneq

Una siusinnerusukkut nittartakkama oqallittarfianut 2001-imi septembarimi ilanngussara maanga ilannguppara piukkullugu;

“Qanittukkut nalunaarutigineqarpoq nunatta Canadallu akornanni aalajangersimasumik ingerlaarfeqarluni timmisartuussisarneq oktobarip 30-iani taamaatinneqassasoq.

Tamanna naatsumik oqaatigalugu nunatsinni naalakkersuinikkut ingerlatsinerup siunniussanillu pingaartitaqannginnerup killiffianik ersersitsinerulluinnarpoq.

Ilumut naalakkersuinikkut siunnerfeqanngitsumik uungaannaq isigaluni (sulissuteqaraannilu periarfissat mattullugit!) “akilersinnaasumik” ingerlatsinissaq pingaarnerutittuassavarput?

Naalakkersuinikkut siunnerfigaarput akitsinni naggueqatitsinnik suleqateqarnerulernissarput. Tamanna Inuit Issittormiut Kattuffiata sulineratigut, siorna Nunavummik suleqatigiinnissamik isumaqatigiissuteqarnikkut, aappaagu Issittormiut Ukiuunerani Unammiuaaqatigiinnerisa Eqalunni Nuummilu ingerlanneqarnissaannik suliniuteqarnikkut, illoqarfiit ilaasa illoqarfittut ikinngutiminnik annertunerujartuinnartumik suleqatigiilernerisigut (anersaaruluut – naak Nuuk suleqatigiinnermi tamatumani?) il.il. ersersinneqartarpoq.

Tamakku tamarmik kinguneqarniartussaagaluarput attaveqaqatigiinnerup annertunerulerneranik naalakkersuinikkut tamatumunnga piumassuseqartoqarpat. Naalakkersuisuniinnaanngitsoq, kisiannili aamma taakku naalakkersuinikkut ingerlatsiviini ingerlatseqatigiiffinnilu taakku peqataaffigisaanni, soorlu angalatitsivinni timmisartortitseqatigiiffinnilu. Taakkunani Inuttut inunnullu sammisumik eqqarsartoqanngilaq! Silarsuaat Europap avannaani nunavaqqamit aallaaveqarpoq – suli nunasiaavugut!

Inuttut eqqarsarta! Suleqatigiinneq annertusartigu! København, Århus, Bruxelles illuatungaanilu Eqaluit, Kuussuaq, Aasiaat, Sisimiut – Inuit suleqatissatik sumiittut nalunngilaat!

Aappaagu Kuussuarmi ICC ataatsimeersuassaaq, taamatullu aamma Nuummi Eqalunnilu Issittormiut ukiuunerani unammiuaassallutik. Aalajangersimasumik ingerlaarfeqarnerup atorunnaarnera aaqqissuussinernut taakkununnga issittormiunit tamanit peqataaffigineqartunut issittormiulluunniit nalinginnaasumik suleqatigiinnerannut iluaqutaanavianngilaq!

Naggaterpiaatigut – aappaagu ICC-p ataatsimeersuarnissaa sioqqullugu Canadaliarniarpunga. Timmisartumik attartornissamut peqataarusuppit? Taava attaveqarfigiinnannga.”

Oqallisissatut!

Internet tamanut!

Internettersinnaaneq inuttut pisinnaatitaaffiusaqariaqarpoq!

Pisortat ingerlatsinerat avammullu paasissutissiisarnerat inuillu apeqqutinik naalakkersuinermut tunngasunik oqallinnerat annerujartuinnartoq internettikkut ingerlanneqaleriartorpoq.

Tamatumani internettip atorneqaleriartuinnarnera qularnanngitsumik aamma nunatsinni keermiaa innuttaaqatitta ilaasa ineriartornermit katataanerannik kinguneqartussaavoq aallaqqaammut qularnaanngikkutsigu tamatta internettimik atuisinnaanermut periarfissaqarnissarput.

Naqitanik atuarsinnaannginneq qanga ajornartorsiutaavoq. Maannakkulli paasissutissarpassuit naqitatut nassaariuminaatsut internettimi imaaliaallaannaq nassaassaalernikkuupput, taamalu internettimut isersinnaanngikkaanni ilisimalikkat nutaarpassuit pissarsiarineqarsinnaanatik.

Assersuutitut taalaarusuppara Namminersornerullutik Oqartussat siorna nutaamik nittartagartaarnikuupput. Nutaatut aamma ilanngunneqarsimavoq oqartussat arlaannik tusarniaassutaannik ilanngussisarfik, tassuuna innuttaasut kikkulluunniiit tusarniaassutigineqartut pillugit namminneq isummersorsinnaagaluarlutik.

Atorneqarpali? Naamerluinnaq! Illuatungaani ajornanngippaallarpoq arlaatigut naammagittaalliuutigineqarpat naammattumik tusarniaasoqarsimannginnerarlugu innersuussutigissallugu ”nittartakkatsinni takuneqarsinnaagaluarpoq”!

Pissutsit taamaannerata takutiinnarpaa kikkut tamat internettimik atuisinnaanissaat qularnaanngikkutsigu nunatsinni paasissutissanik siammarterisarnermi ajornartorsiuteqalersussaasugut ”qunnermik” pisortat innuttaasullu akornanni. Pisortat isumaqartut, aahh nittartakkatsinnut ilanngutereerpagut, illuatungaani innuttaasut periarfissaqanngitsut nittartakkat pineqartut iserfiginissaannut!

Taamaattummik nunatsinni innuttaasut tamarmik internettimik atuisinnaalertariaqarput, tamannalu ilaatigut anguneqarsinnaavoq nunatsinni pisortat sullissiviini tamani innuttaasut akeqanngitsumik internettimut isersinnaanerannik periarfissiinikkut!

Tassanili soorunami pineqanngillat nittartakkat ass. facebookitut ittut §.-), kisiannili nittartakkat paasissutissanik inuk nammineq pillugu imallit, soorlu tusarniaassutinik taaneqareersunik aamma assersuutigiinnarlugu siorna akileraarutigisimatsinnut tunngasunik imallit.

Internet tamanut!

Silasiortunik kalaallinik

Silap pissusii allanngorartuartut allanngorartuartussallu ullutsinni assut oqallisaapput. Kalaallinilli silasiortoqarpugut? Naamik!

Silap pissusiinut tunngasunik nammineq soqutigisaqarnera tunngavigalugu paasisimavara silasiornermut tunngasut namminersulernissatsinnut atatillugu tiguneqartussanut ilaanngitsut, eqqumiiginartumik!

Danskit nunatsinni silasiortartut nunatsinni ”aningaasaqarniarnikkut qimaasutut” taaneqarsinnaapput minnerpaamik ukiumut 850.000 kr.-inik isertitaqartarlutik, taakkunannga ukioq siulleq 150.000 kr.-it akileraaruteqaataasussaanatik. Taakku saniatigut aamma silamik alapernaarsuisunik sulisoqarpoq ukiumut 600.000 kr.-it tikillugit isertitaqartartunik.

Akissarsiaritinneqartut tunngavigalugit taamaattumik eqqumiippoq suli kalaallimik silasiortutut (meteorologitut) ilinniagaqartoqanngimmat. Silasiortutut atorfininnissamut taamaallaat piumasaqaataavoq Københavnimi ilinniarnertuut ilinniarfissuanni silasiornermi batcheloritut taamaaqataanilluunniit ilinniagaqarsimanissaq.

Kalaaleq silasiortutut ilinniagalik siulleq qularnanngitsumik Kalaallit Nunaata namminersortup namminerisamik silasiorfiani (KaSi? Silasi?) pisortatut atorfittaarsinnaassagaluarpoq!

Taamatut ilanngussaqalaarpunga nunatsinni namminersortumi aamma namminerisatsinnik silasiortoqartariaqaratta, tamannalu nammineq isumaga malillugu pingaarnerummat assersuutigalugu danskit naalakkersuisuisa nammineq naalakkersuinikkut ingerlatsiniarnerannut maliguutiinnarluni silap pissusiinik ilisimatusarfimmik pilersitsinissaminngarnit!

Erfalasorput amuvarput!

Namminersulernissamut suliniaqatigiiffimmit NAMMINEQ-mit ilisimatitsissutigineqarpoq Namminersorneq pillugu isumalioqatigiissitap isumaliutissiissutaa naatsorsuutigineqartoq atsiorneqassasoq sisamanngornermi 17. april 2008. Tamatumunnga atatillugu inuiaat kalaallit kaammattorneqarput isumaliutissiissut atsiorneqarpat erfalasuleqqullugit.

Kaammaattuut matumuuna blogginnut isertartunut ingerlateqqippara.

Qununata, saperata - Siunissamut!

….aamma Elna!

Siumokkormiunngooq aamma kommunersuarnut qinersinissamut atatillugu qarasaasianik akeqanngitsunik agguaaniarlutik qineqqusaaruteqarput (tusagassiortoq Elna Egede).

Taama qineqqusaaruteqarnersugut paasiniapallakkakku paasivara taamaattoqanngitsoq.

Qarasaasiat internettilu pillugit Siumup qineqqusaarutaani taamaallaat ima allassimasoqarpoq:

“IT-p kommunerujussuarni siammarsarnissaa atorluarnissaalu:
Internetti pingaarluinnartuuvoq siunissami nunatta tamarmi naligiimmik ineriartornissaanut. Siumup anguniarpaa computerit internettikkullu periarfissat sukkasuumik nunatsinni illoqatigiinnut tamanut akitigut akuersaarneqarsinnaasumik siammarnissaat.

Siumup inassutigissavaa Namminersornerullutik Oqartussat kommunerujussuit susassaqartullu peqatigalugit IT-mi politikkikkut anguniagassanik, tunngavissanik pilersaarusiortassasut ineriartornermi pisariaqartumi qitiusumik sakkussanik.”

Tassanngaanniit akeqanngitsumik agguaaniarnermut ungasittorujussuunnguatsiarpoq.

Imminut eqqarsaatigalugu saqqummiussama ilagaat kikkut tamarmik kommunit allaffiini akeqanngitsumik namminerminnut tunngasunik kommunimullu tunngasunik internet atorlugu akeqanngitsumik paasissutissanik aallersinnaanissaat!

Internet, tassa innuttaasut oqartussaaqataanerat!

Asasara Elna – pikkoriffitit sammiinnakkit, kommunalpolitikiunngitsoq §.-)

Per Berthelsen salluvoq!

Sapaammi 6. april 2008 kommunersuarnut qinersinissaq pillugu inaarutaasumik partiit siuttuisa oqallinneranni isiginnaartut tamarmik tusaasinnaasaannik Demokratit siulittaasuat, Inatsisartunut ilaasortaq aamma Kitaata/Tunup kommunersuassaanut kommunalbestyrelsimut qinigassanngortittut ilaat Per Berthelsen salluvoq, ima oqarami:

“Kalaalinngorsaaneq pissutigalugu atorfiit 38-it (Nuup Kommuniani) inuttaqanngillat.”

Nuup Kommuniani atorfiit massakkorpiaq inuttassarsiorneqartut 42-uupput. Nuup Kommuniani 6. april 2008 atorfiit inuttassarsiorneqartut uani (tooruk) takuneqarsinnaapput. Tamarmik kalaallinit (oqanngilanga kalaallinit oqaluttunit!) inuttalerneqarsinnaapput, nalinginnaasumillu inuttassarsiugaallutik.

Taamaattumik kalaalinngorsaaneq pissutigalugu atorfinnik inuttaqannginneraaneq salluneruvoq akuerineqarsinnaanngitsoq!

Nalunngilarput assersuutigalugu meeqqerivinnut perorsaasussaaleqineq ilaatigut akissarsiatigut atugassarititaasunik pissuteqartoq, taamaattumillu nuannarutissaasoq qanittukkut PIP nutaamik isumaqatigiissuteqarmat perorsaasut akissaasiaasa annertuumik qaffanneqarnerannik kinguneqartumik. Taamaattorli aamma tamatuma sunniutai suliassaqarfinni allani immaqa takusinnaalissavagut meeqqat atuarfiini nukarlerni atuartitsisussaaleqisoqalerpat, naluneqanngimmammi perorsaasorpassuit taakkunani atuartitsisuusut akissarsiaginnerat pissutigalugu.

Oqallinneq pineqartoq bloggimma danskisuuani Demokratit sinnerlugit Kitaata/Tunup kommunersuassaani qinigassat ilaata “kalaalinngorsaaneq” sakkortuumik saassullugu nunatsinnilu aqutsisut nunani kinguarsimasuni kisermaassilluni naalakkersuisunut assersuullugit ilanngussaqarneranik tunngaveqarpoq. Allaaserisaq pineqartoq uani (tooruk) atuarneqarsinnaavoq. Qisuariarnera ataani allaaserisami Ja til Grønland! Nej til Per! atuarneqarsinnaavoq. (Tusaamanarpoq aamma tamanna pissutigalugu arfininngormat danskisut KNR-ikkut qinersisartunik ataatsimiisitsinermut ilaatinneqanngitsoq!)

Naggataatigut erseqqissarlara “kalaalinngorsaaneq” kalaallisut oqalunnissamik nammineq isumaqartinnginnakku, ingerlatsinerulli “kalaalerpalaartunngortinneqarnissaanik” isumaqartillugu.

Kalaallinik kalaallisuinnarlu oqaluttunik nikaginninneq akuersaanngisaannartigu!

 

Danskisut radioaviisimi apersorneqarnera tunngavigalugu oqallinneq uani (una toorlugu) takuneqarsinnaavoq.

Kalaaliaraq ataavarli!

Ukiorpassuarni oqaluuserineqareerluni qanittukkut Nuuk illoqarfiup qeqqani nutaarsuarmik kalaalimineerniarfittaartussaavoq (kalaaliaraanngitsumik!), kalaaliminernik neriniartarfilerneqarsinnaasumik!

Kalaaliaraq maanna atuuttoq Nuup oqaluttuarisaaneranut nutaamut ilaalluinnarpoq eriagisariaqarlunilu. Nuummiuusugut, minnerunngitsumillu meeraanermi inuusuttuunermilu piniagassanik assigiinngitsunik tuniniaavigisarsimallugu, erligaarput!

Taamaattumik kalaalimineerniarfimmik nutaamik pilersitsinermut atatillugu qularnaartariaqarpoq Kalaaliaqqap massakkutut aaqqissuussaanermisut atortutigulli, minnerunngitsumik eqqiluisaarnissaq eqqarsaatigalugu, nutarterlugu ingerlaannarnissaa.

Kalaaliaqqap ingerlaannarnissaa qularnaareqataaffigiuk!

Ja til Grønland! Nej til Per!

En af Demokraternes (et parti i Grønland, der har fået sit navn på et meget Demokratisk vis §.-)) kandidater til kommunalbestyrelsen i den kommende storkommune Vest/Øst gør i sit blog sig til talsmand for et nej til grønlandisering.

Et indlæg som jeg desværre må tage afstand fra på det kraftigste! At pågældende kandidat sammenligner forholdene i Grønland med forholdene i den enevældige hersker Mugabes Zimbabwe viser blot at pågældende kandidat er ude og svømme, hvor han ikke kan bunde!

Det er dog også utroligt at man efter blot at være i Nuuk ikke engang et par år kan drage det konklusioner, som pågældende kandidat fremfører. Men den gamle nazistiske tese i.f.m. deres jødeforfølgelserne – gentag løgnen tilstrækkelig mange gange indtil folk tror på den – viser endnu engang sin rigtighed, hvis man altså ikke ved bedre!

Selvfølgelig skal vi i den kommende storkommune ansætte medarbejdere, der har de rigtige kvalifikationer og kompetencer. Det kræver også at vi giver langt flere rent grønlandssprogede mulighed for at oparbejde de rigtige kvalifikationer og kompetencer til også at kunne virke i et flersproget samfund i.s.f. hele tiden at hente wannabee-naalakakker udefra. Grønlandisering? Nej! Udnyttelse af vores egne resourcer? Ja!

Nej til racisme og Mugabe! For en storkommune for alle!

Nuuk nuan’, Tasiilaq alianaak!

Qujanartumik internettip nassaarineqarneratigut nunarsuatsinni nunatsinnilu pisunik pineri malillugit malinnaasinnaalersimavugut. Malinnaavigineqarsinnaasut ilagaat webcamit, tassa internettimi sumiiffinni assigiinngitsunit sarsuatitat, ilaatigut massakkorpiaq silap qanoq inneranik takutitsisinnaasut.

Nuannertarmata alakkartarlugit kommunerujussuanngortussami Kitaa/Tunumi webcamit uku alakkaqqussavakka:

Hendriks webcam i Tasiilaq

 Nuummi Radiup Qaqqaaniit Tuapannguit tungaannut

Uggornaraluartumik Nuuk Kommuniata nittartagaani webcamimut allanut ingerlaqqiffissat quppernerup nutarterneranut atatillugu katassimannguatsiaramik. Iluarsippata ingerlaqqiffissaliiumaarpunga. Uaniittussaapput.

Kommunerujussuarmik suli massakkornit annertunerusumik internet ataatsimuulersitsisinnaammat siunissami kommunerujussuarmi illoqarfinnit nunaqarfinniillu tamanit kommunit allaffiinit ajornanngitsumik webcamiliisoqarsinnaammat tamanna qularnaarniarumaarpara.

Ittoqqortoormiit – Siumut!

Kommunerujussuanngortussami Kitaa/Tunumi sullissinerup pitsaanerulerneranik misigisaqaqqaartussat qularnanngitsumik tassaassapput maanna Ittoqqortoormiit kommunermiut.

Nunatta ineriartornerani Ittoqqortoormiit missukutaajuarsimapput maannalu periarfissaqalerpugut tamatuma ilorraap tungaanut saatinneqarnissaanut, aamma kommunerujussuarmut tamarmut iluaqutaasussamik.

Kommunerujussuanngornikkut pissutissaqalissaagut ineriartornerup Nuup avataanut aamma siammarnissaanut, taamalu taakku najugaqarfigissalugit kajungernarnerulersillugit.

Ittoqqortoormiini ineriartortitsinissamut periarfissarpassuaqarpoq maanna atorluarneqanngitsunik. Piniarneq eqqarsaatigiinnarlugu piniartut pisaminnik tunisinissaminnut killerujussuarmik periarfissaqarput tunitsiviup qerititsiviata aseroqqajaanerujussua pissutigalugu. Ajornartorsiut taanna piaartumik iluarsineqartariaqarpoq kommunerujussuup peqataaneratigut, aamma umimmannik timmissanillu tunisisarsinnaaneq eqqarsaatigalugu.

Tunu takornariaqarnikkut ineriartortitsivigissallugu periarfissanik qalaarpoq, tamatumanilu aamma Ittoqqortoormiit periarfissaqarluarlutik nunatta avannaarsuani eqqissisimatitsivimmut takornariaqarnikkut aallaaviunermigut. Tamatumunngalu atatillugu takornarianik sullissinnermut atatillugu pisariaqartitat pigineqalernissaat qularnaartariaqarpoq.

Tassunga aamma ilaasariaqarpoq Nerleriit Inaanni mittarfiup mittarfimmik Illoqqortoormiinut qaninnerusumik pilersitsinissap piviusumik sulissutigineqalernissaa. Missingerneqareerpoq ujaraaqqanik qallikkamik mittarfik 20 mill. kr.-it inorlugit akilimmik suliarineqarsinnaasoq, aningaasallu pineqartut kommunerujussuup iluani nassaarineqarsinnaareeerlutik.

Nuup avataani ineriartortitsinissaq pisariaqarpoq, tamannalu aatsaat qularnaarneqarsinnaavoq kommunerujussuaq tamaat isigalugu suliaqarsinnaasunik kommunerujussuanngortussami aqutsisuni ilaasortaqarpat!

Ittoqqortoormiit – Siumut!

Nunaqarfiit ataavarlit!

IA-p siulittaasorisimasaa IA-p nittartagaani bloggimini ”aappaluttumi” (qernertunngornikumi! – qanormi taassagaluaraanni allaat naalakkersuisugut silaqarluannginnerarlugit allattalersimammat – Naalakkersuisut silaqassutsikkut anguneq ajornartut) nunaqarfiit nappaqqillugit, pissaaneq nunaqarfinnut siusinnerusukkunngooq oqarluartaarutaasarsimasut illaruaatigalugit marsip sisamaani 2008 ilanngussaqarpoq – Anersaakkut piumassusikissuseq 2008.

Ilaalaannguasik, tupinnassaqaaq matuma kingorna suli nunatsinni isorliunerusuni nunaqarfinnilu IA-qassappat §.-) saqqummiussaami suli parteeqataanit illuatungilerneqanngimmat.

Inuiattut namminiilersinnaannginnatta inuit tamaasa Nuummut katersorlugit siunissarpullu Nuummiigani illoqarfinni allaniillunilu nunaqarfinniimmat kommunerujussuanngornissamilu nunaqarfiit inuiaqatigiit ineriartornerannut misigisimallutik unigatik ingerlanissaat qularnaartariaqarmat Kitaata/Tunup kommunerujussuassaani Nuup kommuniata nunaqarfinni aqutsisunut namminneq atugassaannik aningaasanik aalajangersimasunik amerlassusilinnik atugassiisarnera kommunerujussuassami nunaqarfinnut tamanut atugassanngortinneqartariaqarpoq!

Ilisimatitsissutigineqassaaq Kapisilinni aqutsisut namminneq atugassaminnik millioninik ataatsinik Qeqertarsuatsiaanilu aqutsisunut millioninik marlunnik namminneq siunertanut aalajangersimasunut atorsinnaasaminnik 2008-mi aningaasaliivigineqarmata. Aaqqissuussineq kommunerujussuarmi nunaqarfinnut tamanut atuutilertariaqarpoq! Tamanna aamma isumaqarpoq nunaqarfinni aningaasat atorneqarnissaannut akisussaasunik qinikkanik suli aqutsisoqartuassasoq!

Nunaqarfiit ataavarlit!

Internet – innuttaasut oqartussaaqataanerat!

Internettip naalakkersuinermik suliaqarnermi innuttaasullu akornanni oqallinnermut qanoq atorneqarsinnaanera sapaammi 30. marts Nuummi Ukaliusap Atuarfiata  kantiinaani qinersisartunik ataatsimiisitsinermi erseqqilluinnartumik saqqummersinneqarpoq partiit ilisaritereernerisa kingorna partiit sammineranni akileraartarnermut tunngasut, taamatullu aamma Inatsisartunut ilaasortarpassuit kommunerujussuanngornissamut qinigassanngortinnerat annertuumik sammineqarmata matumani oqallissaarutitut saqqummiussakka tunngavigalugit.

Maluginiarnerpaavara marloqiusanik qinigaaffeqartarneq pillugu Inatsisartunut ilaasortat imminnut illersornerat, piumassuseqaraannigooq tamaasa ataatsikkut ingerlanneqarsinnaammata, namminneq aalajangigassarigitsik il.il.

Imatut oqaannarlanga – ilissiuna qinersisartut tamanna aalajangigassarigissi!

Uggornaraluartumik ulloq taanna qineqqusaartunut ilaanngilanga, taamaattumik qilanaaqaanga qinersisartunik ataatsimiisitsinissanut aggersunut.

Demokraatit ussiataarinerat!

Kommunerujussuanngornissamut qinersinissamut atatillugu (naatsorsuutigivara taanna pineqartoq, allanummi qinersisoqalinngimmat) partii Demokratit AG-mi sisamanngornermi 27. marts saqqummersumi naqitaaqqamik ilanngussaqarput, ilaatigut oqaatigalugu inummut akileraarut namminneq taasinertik iluaqutigalugu qaffanneqassanngimmat qulakkiissallugu!

Naqqinneqarlanga kukkussaguma – tamanna qinersisartunik ussiataarinerunngila, naak ilisimagaluarlugu kommunerujussuanngortussani inummut akileraarummik aalajangersaasinnaanngitsugut kommunini kattuttussani akileraarummut procenti appasinnerpaaq atorlugu? Tamatumalu kingunerissavaa kommunerujussuanngortussani innuttaasut ilaat akileraarnerusariaqalissammatta, kommunerujussuanngortussani innuttaasunik sullissineq ataatsimut isigalugu appariaateqassanngippat!

Tupinnarneruvorlu partii pineqartoq taamaaqataanik naqitaaqqami pineqartumi aamma kissaatinik qularnaveeqqutinullu allanik aningaasasarpassuarnik naleqartussanik saqqummiussaqarmat!

Kitaata/Tunup kommunerujussuassaa eqqarsaatigalugu partiip Demokratit qulakkeerinninneranut Ivittuut ilaanerluni? Taamaassappat?

Nunarput qipoqqartassinneqarli!

Allattoq Thimothæus Poulsen, Atammik

Ukiut arlalinngorput qipoqqaat piniaqqutsaanatik, tamannalu patsisigalugu nunatta sineriaani assut takussaalerput, ima amerlitigipput aalisarnermut serlernartorujussuanngorlutik, ilaatigut aalisarfiit peqartut qipoqqaat takkunnerisigut aalisagaaruttalermata, aalisartumut isertitaqarnikkut annaasaqaataasartumik, taamaammat oqaraanni ajunnginnerussaaq qipoqqaat aalisakkat tungaasigut aalisartumut unammillertunngortut, aammalu aalisartut piniutaannik akuttunngitsumik aserorterisunngorlutik. Nunatta pisuussatai taamaalillutik ukiuni qulikkaartuni arlalinni iluaqutaanatik persaqutaalerput.

Qulaani asseq Arktiske Billeder-neersuuvoq. Suminngaannernera nalunaarsimanngilaq 1900-ukkulli aallartilaarneranneerluni. Assiliisua Christian Wilhelm Schultz-Lorentzen piffissammi tamatumani Nuummiilluni Aasianniissimavoq. Arlaata takusinnaanerlugu qipoqqaq sumi pilanneqarnersoq? Takusinnaagukku allaffigiginga sajare@greennet.gl

Nunarput kingumut apriilip aallaqqaataanit arfattassinneqassaaq. Angallatinut qamutilissortunut aammalu qoorortoorsortunut pisarineqartussanik. Pisassat 200-t tamarmik pisarineqartarput.

Tunitsivissaq eqqarsaatigalugu ukioq kingulleq (2007) kalaalimineerniarfinnut aammalu nerisaqarfinnut tunisisoqartarpoq, ukioq mannalu qujanartumik AGF-ip Maniitsumi immikkoortortaqafia pisiortussalluni pilersaaruteqarpoq.

Arfanniartarneq pillugu Ataatsimiititaliarsuarmit tunngaviusumik ajoriffissaqartinneqanngilaq qepoqqarnik nunatta imminut pisassannissaa. Periarfissaq tamanna ukiuni arlalinngortuni atorneqanngitsoortarpoq, patsisaanerulluni nunatsinni naalakkersuisut piumassuseqannginnerat nunatta imminut qipoqqartassinnissaanut.

Sineriat isorartooq angalasaqigakku, ilaatigut ullup ataatsip ingerlanerani km arlalipparujussuit ingerlavigisarlugit, takujuaannartarpara qipoqqaat ataasiakkaarlutik aammali amisuullutik sineriatsinni takussaasorujussuit. Tamakku isumaqalersippaannga nunatta aarleqquteqarani imminut qipoqqartassinnissaa akornutissaqanngitsoq.

Nunatta pisuussutai nammineq pigaagut, atortussaallutigillu inuuniarnitsinnut iluaqutigissallugit. Naalakkersuisut qipoqqartassanik aalajangerumannginnerat patsiseqarneruvoq nersutinik illersuisutut taallutik illuinnaasasiorlutillu sunniiniartunut ersissuteqarnermik. Tamakkua illorpassuaqarfimmiut nalulluinnarpaat qipoqqaat qanoq pissusilersortartut, aammalu nungutinneqarnissaannut qanoq sioranartoqanngitsigisoq. Qanorsuarluuniit qaammarsarniartigigaluarutsigit (akuerseqqullugit qipoqqaat qulit pisarineqartarpata, tamanna qipoqqaqassutsimut nungussutaanavianngitsoq) iluaqutaanavianngilaq.

Taamaammat piniarnermut naalakkersuisoq Finn Karlsen, naalakkersuisut ataatsimiinnissaannut nunatta qipoqqarnik 2008-mi pisassaqarnissaa aalajangiiffigisassatut siunnersuutiginiaruk!

Demokratisk valgbedrag!

I forbindelse med det kommende valg (det må det være, siden der ikke er andre valg på vej) til storkommunerne har partiet Demokraterne et opslag i dagens AG, hvor det bl.a. garanterer at personskatten ikke vil stige med deres stemmer!

Korriger mig hvis jeg tager fejl – er det ikke valgbedrag, velvidende at vi i de kommende storkommuner ikke kan fastsætte en skatteprocent på niveau med den laveste skatteprocent i de kommuner der slås sammen? Ergo er der nogle borgere der skal af med mere i personskat, hvis den kommende samlede serviceniveau i storkommunerne ikke skal ned!

Og gud hjælpe mig om partiet ikke ved samme opslag fremlægger en del udgiftskrævende ønsker og garantier. Jeg græmmes!

Kommuniuutigaluni Inatsisartuniittoqarsinnaanngilaq!

Kommunerujussuarni aqutsisussanut qinersilernermi Inatsisartunut ilaasortarpassuit, Kitaata/Tunup qinersiviinnaani qulersuit, qinigassanut ilaapput. Ilaat maanna kommunalbestyrelsiusunut ilaasortaareeraluarput, kisiannili aamma nutaanik ilaqarlutik.

Maanna kommunalbestyrelseqarnermi takoreerparput Inatsisartunut ilaasortanik issiasoqartillugu suliat ataqatigiissumik ingerlaneq ajortut, taamatullu kommunini suliat tammartutullusooq pisartut ilaasortat kommunalbestyrelsimit sulinermit peqataanngippallaaraangata Inatsisartunut ilaasortatut suliassat pissutigalugit.

Pissutsit taamaannerat kissaatiginanngikkaluartumik Inatsisartunut ilaasortanik isertoqassappat kommunerujussuanngornermi pitsaanerulernavianngilaq, minnerunngitsumik eqqarsaatigigaanni kommunerujussuanngornerup aallartisarneqarnerani suliassat imaannaanavianngitsut ilaannakuusumillu peqataaffigineqarsinnaanngitsut.

Taamaattumik kommunerujussuaqarneq iluamik aallartissappat pisariaqarpoq kommunerujussuarni aqutsisuni qinikkat taassuminngaannaaq aallussinissaat, saniatigut naalakkersuinikkut allanik qinigaaffeqaratik.

Taamaattumik qinersisartut maannangaaq paasisariaqarpaat Inatsisartunut ilaasortat kommunerujussuarni aqutsisunut qinigassanngortittut qinigaagunik Inatsisartuni ilaasortaanerminnik qanoq eqqarsaatersuuteqarnersut.

Qinersisussat unneqqarissumik nalunngittariaqarpaat Inatsisartunut ilaasortamik qinersiniarunik qinerniagartik ilumut ilumoorussilluni kommunerujussuarmi aqutsisuni ilaasortaaniarnersoq, asuli qinersisunik katersiniaannarluni sassarnersoq imaluunniit qinigaaguni Inatsisartunit ilaasortaanerminit tunuarniarnerluni eqqarsaateqareernersoq.

Oqareernittut kommunerujussuassani suliassat imaannaanavianngillat tamakkiisumillu tunniusimalluni suliarineqartariaqarlutik!

—–

Pineqartoq ataasinngornermi 31. marts Qanoruumi sammineqarpoq, takorusukkukku ugguuna isiginnaarneqarsinnaavoq. Qinikkat apersorneqartut isumaqannguatsiarput qangatut kommunalbestyrelsinut qinersilersugut §.-) Naagga, kommunerujussuassamiuna aqutsisussanik qinersilersugut, aaqqissuussinermik nutaarluinnarmik atuutilersitsisussanik, taamaattumillu tamakkiisumik tunniusimasariaqartunik!

Ingen Landstingsmedlemmer i storkommunerne!

Det vrimler med Landstingsmedlemmer til det kommende valg til det nye storkommunerne, ikke mindst i den kommune Vest/Øst-kommune, hvor hele 10 landstingsmedlemmer stiller op.

Vi har allerede i det hidtidige kommunalbestyrelser oplevet mangel på en nødvendig sammenhæng og kontinuitet når der har siddet landstingsmedlemmer i bestyrelserne, og at forskellige initiativer ligesom fuser ud og forsvinder i den blå luft, når Landstingsmedlemmer har for meget fravær fra kommunalbestyrelsesarbejdet som følge af deres politiske arbejde i Landstinget.

Dette forhold vil i tilfælde af at landstingsmedlemmer bliver valgt ikke blive bedre i det nye storkommuner, ikke mindst når man har for øje at der vil være et omfattende arbejde forbundet med opstarten af de storkommuner der vil kræve fuld indsats fra det nye medlemmer.

Derfor er det nødvendigt at hvis storkommunerne skal blive en succes og få den bedste start at de nye medlemmer i de enkelte bestyrelser kun beskæftiger sig med dette arbejde uden andre politiske ben.

Derfor har vælgerne krav på at vide allerede nu hvad det opstillede landstingsmedlemmer til storkommunevalget agter at stille op med deres politiske mandat i Landstinget.

I anstændighedens navn har vælgerne krav på at vide om den landstingsmedlem (hvis man altså vil stemme på et landstingsmedlem) man har i tankerne reelt vil kunne påtage sig det store arbejde, der venter, om pågældende kun er med på stemmelisten blot for at hente stemmer eller om pågældende allerede har tænkt sig at forlade sit politiske mandat i landstinget.

Som nævnt så venter der et tungt, stort og vanskeligt arbejde i det nye storkommuner, der vil kræve et helhjertet indsats fra det nye medlemmer!