Category Archives: Tamalaat
Nunatta akilittalu akornanni timmisartuussisarneq
Una siusinnerusukkut nittartakkama oqallittarfianut 2001-imi septembarimi ilanngussara maanga ilannguppara piukkullugu; “Qanittukkut nalunaarutigineqarpoq nunatta Canadallu akornanni aalajangersimasumik ingerlaarfeqarluni timmisartuussisarneq oktobarip 30-iani taamaatinneqassasoq. Tamanna naatsumik oqaatigalugu nunatsinni naalakkersuinikkut ingerlatsinerup siunniussanillu pingaartitaqannginnerup killiffianik ersersitsinerulluinnarpoq. Ilumut naalakkersuinikkut siunnerfeqanngitsumik uungaannaq isigaluni (sulissuteqaraannilu periarfissat mattullugit!) “akilersinnaasumik” … Continue reading
Filed under Tamalaat
Saarulliit panertut mamartut!
Nuummi kalaaliaqqami ulluni kingullerni pisiassat ilagaat Aniaap saarullii panertut paqqaartullu savaatilimmit Bendt Egedemit Illorsuit tuniniarneqartut. Paqqaartortaat naleqanngillat. Bendteeqqap oqarneratut “barteeriaqanngitsut”! Angumerianiaraanni tuaviortoqartariaqassaaq!
Filed under Tamalaat
Upernaleqaaq!
Upernalerneranut ilisarnaativiit angusalluit takkutillattaareerlutik poorskikkunni kiatsilaariarmat kalaaliaqqamut takkuteqaat’aasiit.
Filed under Tamalaat
Qernalaaq
Nuummiut suuteqarpammita? Tamanna paasiniarlugu arfininngornermi 22. marts kalaalliaqqamiippunga, naammattoorlugu aataaq nalinginnaanngitsoq ilanngullugu tikiunneqarsimasoq. Aataat qernertuinnarnik meqqullit, qernalaat, qaqutigoorput. Mamaalli taannaannaavoq §:-) Kalaaliaqqamimita aamma suuteqarpat? Taakku saniatigut aamma qeeraqarpoq paqqaartunillu saarulleeraqarluni. Poorskisiorluarisi!
Filed under Tamalaat
