Qeqertarsuatsiaat – Siumut!

Nunaqarfiga seqinnarammi – Qeqertarsuatsiaani kommunip allaffianit isikkivik Nuup kommuniata nittartagaanit alakkarneqarsinnaavoq. (Una ilannguteqqaarakku taamatut allassimavoq. Maannakkut nutarterneqassaarsimapput – http://tinyurl.com/qhgoj2

Qeqertarsuatsiaat – Siumut!

8. april 2008 kommunerujussuassatsinni siunissami aqutsisussanik qinersilerpugut.

Kommunerujussuanngortitsinerup qularnanngitsumik, minnerunngitsumillu inuit nammaqatigiinnermik nunaqarfiillu piujuarnissaannik pingaartitsisut qinigaanerisigut, kingunerissavaa nunatsinni inuussutissarsiornikkut, sullinneqarnikkut, suliffissaqarnikkut aningaasaqarnikkullu naligiinnerulerneq. Kommunerujussuanngornikkut illoqarfinni nunaqarfinnilu ullumikkornit naligiinnerusumik inuit atugarisaasigut ineriartortitsisoqarsinnaalissaaq.

Kommunerujussuarmi Nuuk kisimi ineriartortinneqarsinnaanngilaq. Ineriartornissamut periarfissat aamma kommunerujussuassami illoqarfinnut allanut nunaqarfinnullu saatinneqarnerusariaqarput, taakku najugaqarfigissallugit orniginarnerusunngorlugit.  Nunaqarfiit periarfissat naapertorlugit ineriartortinneqartariaqarput suliffissatigut aammalu assigiinngitsutigut sullinneqarnikkut minnerunngitsumik kulturikkut sunngiffimmilu neqeroorutitigut. Kulturikkut sunngiffimmilu peqqinnartumik sammisaqarnissamut periarfissanut neqeroorutit inuussutissarsiornerup ineriartornera, taamatullu aamma kommunerujussuarmi illoqarfinnut allanut nunaqarfinnullu nuukkusussuseq ikorfartortariaqarpaat.

Taamaattumik qularnaarneqartariaqarpoq saarulliit uteqqilernerat ilutigalugu tunitsivissat qularnaarneqarnissaannut kommunip peqataasariaqarnera. Kommunerujussuit inuussutissarsiornikkut ineriartortitsinermut peqataanerusinnaanerat pisariaqavippoq. Ullumikkut killiliussat qeratavallaaqaat! Tamatumunnga peqatigitillugu nunaqarfinni innaallagissiorfiit naammassisaqarsinnaassusiat imeqarniarnerlu isiginiartariaqarput, pisariaqarpallu annerusaavigalugit iluarsiivigalugillu.

Inuussutissarsiornerup ineriartortinnissaanut takornariaqarneq ilaalluinnarpoq. Taamaattumik pingaartippara kommunerujussuassami nunaqarfiit immikkut pingaartillugit takornarialerinerup ineriartortinneqarnissaa, innuttaasut qanimut suleqatigalugit peqatigalugillu. Tamatumunnga atatillugu immikkut pingaaruteqarpoq nunaqarfinni takornariat unnuiffissaqarlutillu nerinissaminnut periarfissaqarnissaat.

Qeqertarsuatsiaat eqqarsaatigalugit immikkut pisariaqarpoq sanalulluni kusanartuliornerup ujakkanillu kusanartuliornerup qularnaarneqarnissaa ineriartorteqqinneqarnissaalu, minnerunngitsumik teknikikkut periarfissat nutaat atorlugit tuniniaasinnaaneq eqqarsaatigalugu. Kusanartuliorneq aamma takornariaqarnermik siuarsaaqataasinnaavoq, qularnanngitsumik avatitsinni aamma inoqarmat ujaqqanik soqutigisalinnik alakkaarusussinnaasunik.

Atuarfiit, katersortarfiit timersortarfiillu maannamut naleqqiullugu tamakkiinerusumik atorluarnerisigut sunngiffimmi sammisassat annertusarneqarsinnaapput. Assersuutigalugu aliikkutaralugu isiginnaartitsisarneq nipilersornermillu ilinniartitsisarneq kommuninit tapersersorneqarluni annertusarneqarsinnaapput, inoqarfinni amerlanerusuni ingerlanneqartartunngorlugu.

Qeqertarsuatsiaani atuarfik siunertaminut naapertuukkunnaarnikuuvoq, taamaattumillu nutarterneqarnissaa, ajornanngippallu nutaamik sananissaq, pisariaqarluni. Kommunerujussuanngornermi tamatumunnga periarfissat pitsaanerulissapput.

Ukiut ingerlanerini eqqakkat arrortikkuminaatsut aamma nunaqarfinni takussaanerat minneruleriartorsimanngilaq, taamaattumik pingaaruteqarpoq ukiuni aggersuni immikkut iliuuseqartoqarnissaa. Taamaattumik aamma Qeqertarsuatsiaani eqqaaviup nunaqarfimmit ungasinnerusumut nuunneqarnissaa siunertaasariaqarpoq.

Nunaqarfinni inuuniarnikkut atugarisat inuussutissarsiornikkullu ineriartornissamut periarfissaasut pillugit nalunaarsuiffimmik pilersitsisoqartariaqarpoq, tunngavissaasutigut naapertuilluartumik piumasaqaatitalinnik. Tunngavissaasutigut naapertuilluartumik piumasaqaatini meeqqat inuusuttullu illersorneqarnissaat sakkortuumik pingaartinneqartariaqarpoq.

Qeqertarsuatsiaat nunatsinni Hans Egedep kingorna “illoqarfiit” pilersinneqartut siulliit ilaattut illorpassuaqarpoq eriagisariaqakkanik pisariaqartumillu iluarsarneqartariaqartunik.

Nunaqarfimmiut naqisimaneqaratik eqeersimaarlutik suleqatigiillutillu inooqatigiissut naligiimmik periarfissaqarlutillu atugassaqartut, naalakkersuinikkut aningaasaqarnikkullu tamakkiisumik naammassineqarsimasumik oqartussaaqataasut, kiisalu assigiimmik naleqassuseq aallaavigalugu ingerlasut aammalu kulturikkut naqisimaneqaratik suliniuteqarsinnaasut suliaqartullu nunatta siunissaata ilagai!

Qinersilluarisi!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s